Cras torrant a incumintzare sos traballos de su Cussìgiu Comunale de Tàtari. A sas 4 de borta de die, in setziada istraordinària e urgente in prima cunvocatzione, in sa sede de Palatzu Ducale b'at medas argumentos de tratare

Partetzipatzione a su votu bassa. Su resurtadu espressat sa cuntrapositzione crara in su Pd tataresu. Un'àtera iscunfita pro s'àrea de Cabras, de su segretàriu betzu Sìlvio Lai e de s'ex presidente de su Cussìgiu regionale, Giacomo Spissu

S'est presentadu a su sègiu comente un'eletore normale e at isseberadu su segretàriu nou. Làstima chi siamus faeddende de su coordinadore regionale de Fortza Itàlia

Totu comente fiat prevìdidu mancari b'apat àpidu paga partetzipatzione. A sa fine binchet s'europarlamentare e ex presidente de sa Regione contra a Innàtziu Angioni. Su de tres Thomas Castàngia. Sos eletores sunt sa mitade de su 2009

A sa professionista de 49 annos, sunt istados cuntestados sos reatos de fura agravada e continuada fata cun dannu patrimoniale de gravidade manna, cun frode e abusu de relatziones de ufìtziu

Sos carabineris ant iscumproadu chi su dotore, titulare de un'istùdiu assotziadu de meighina de su traballu, cumpetente pro fàghere vìsitas peròdicas subra de sos traballadores dipendentes pùblicos e privados, permitiat a sa segretària sua de s'istùdiu de fàghere vìsitas oculìsticas, spiromètricas e in carchi casu finas cardiològicas e de dare sos tzertificados sanitàrios relativos, in ausèntzia de sos tìtulos abilitativos netzessàrios

In Tàtari b'at àpidu un'addòviu de sa Cgil in ue su segretàriu de sa Funtzione Pùblica Pàulu Dettori at faeddadu de s'addòviu de lunis coladu cun s'assessora Firino. Garantzias pro àteros fundos de dinare. Problemas cun sa Provìntzia e galu dudas pro su tempus benidore

Su datu est istadu registradu custu mangianu a sas 9,30 dae sa Rete Ondamètrica Natzionale de s'’Ispra. Sas undas ant a sighire a èssere artas meda finas a cras sero

«Sa Regione at mantènnidu e at mantènnere sos impinnos suos», at decraradu s'assessora regionale de sa Cultura e de s' Istrutzione Pùblica a sos rapresentantes de sa Cgil pro su chi pertocat su deretu a s'istùdiu pro sos disàbiles

Sos pompieris de Tàtari ant afortidu sas iscuadras e sunt coordinende su traballu in totu sos distacamentos. Sunt impinnados dae custu mangianu a s'arvèschida ca sunt faghende interventos cajonados dae su ventu. Fogos in Instintinu e in Fiolinas