Tàtari - Arrestadu in Tàtari unu dotore e sa segretària sua. S'esecutzione de sas duas ordinàntzias coordinadas dae sa Procura de sa Repùblica de Tàtari est istada fata s'àteru mangianu chitzo dae su Nas. Sas acusas arribadas a s'agabbu de un'indàgine investigativa cumplicada sunt de trufa, falsu, esertzìtziu abusivu de sa professione e frode in forniduras pùblicas.

Sas indàgines incumintzadas in su 2010 e duradas finas a s'istiu coladu, ant fatu iscumproare a sos investigadores medas cumportamentos illegales de su sanitàriu, de sa segretària sua e de àteras pessones implicadas a tìtulu diferente. In particulare sos carabineris ant verificadu chi su dotore, titulare de un'istùdiu assotziadu de meighina de su traballu
cumpetente pro fàghere vìsitas peròdicas subra de sos traballadores dipendentes pùblicos e privados, permitiat a sa segretària sua de s'istùdiu de fàghere vìsitas oculìsticas, spiromètricas e in carchi casu finas cardiològicas e de dare sos tzertificados sanitàrios relativos, in ausèntzia de sos tìtulos abilitativos netzessàrios.

Su Nas de Tàtari at denuntziadu àteras 13 pessones intre mèigos de s'istùdiu assotziadu, in cuncursu cun sos arrestados. B'at problemas finas pro sos funtzionàrios pùblicos pro àere informadu sos indagados de noas chi deviant abbarrare secretas.