Tàtari - Est alerta mèteo in s'ìsula. Eris su Dipartimentu de sa Protetzione Tzivile at publicadu su bolletinu e at informadu pro oe sa presèntzia de ventos nord-otzidentales dae burrasca a burrasca-forte, cun rinfortzos finas a intensidade de tempesta.
Sos pompieris de Tàtari ant afortidu sas iscuadras e sunt coordinende su traballu in totu sos distacamentos. Sunt impinnados dae custu mangianu dae s'arvèschida ca sunt faghende interventos cajonados dae su ventu.
In s'istrada pro Istintinu b'at unu fogu. Nche sunt morende su fogu in sa zona de Fiolinas e de Tzaramonte.