Partetzipatzione a su votu bassa. Su resurtadu espressat sa cuntrapositzione crara in su Pd tataresu. Un'ātera iscunfita pro s'ārea de Cabras, de su segretāriu betzu Sėlvio Lai e de s'ex presidente de su Cussėgiu regionale, Giacomo Spissu
Tātari - Sa tzitade de Tātari at dadu un'āteru dispraghere a su segretāriu betzu de su Partidu democrāticu Sėlvio Lai a pagu tempus dae sas eletziones comunales e dae sa vitōria de Nigola Sanna. Angioni difatis binchet a Soru: 1.273 a 1.075 (pro Castāngia 743 preferčntzias).
Unu datu chi espressat sa divisione de sos democrāticos in su territōriu tataresu. Su sėndigu Sanna difatis susteniat su senadore Angioni a diferčntzia de su currentone rapresentadu dae sos sotzialistas de Giacomo Spissu, s'ārea issoru a Cabras e a Sėlvio Lai.
Unu pagu diferente su datu in sa Provėntzia cun Soru e Angioni chi si sunt ispartzidos sos votos: 3.273 votos (45,7 %) pro s'europarlamentare contra a sos 3.139 de Innātziu Angioni (43,8). Castāngia at leadu 743 preferčntzias (318 setzi in s'Alighera).
Commenti
