Casteddu - Chimbe prèmios dae 5 mìgia a 1500 èuros e s'invitu a leare parte intro de mesudie de chenàbura s'11 de cabudanni de su 2015 a su cuncursu "civiCa – Campagna di educazione alla convivenza sociale" annuntziadu dae sa Comuna pro sa presentada de unu cortometràgiu pro sa promotzione de Casteddu comente tzitade in ue si devent rispetare sas règulas de una cunvivèntzia lìbera e tzivile. Sa partetzipatzione est de badas e aberta a totus, siat professionistas siat apassionados ma finas a iscolas e assòtzios.
Dae tempus meda s'Amministratzione comunale est impignada a realizare sa promotzione de sas paris oportunidades e a sa luta contra a su tepismu, su razismu, s'omofobia, su bullismu e s'intolleràntzia. E cun custu obietivu, su filmadu binchidore at a èssere proietadu n sas iscolas de sa tzitade, postales de sa Ctm, teatros e ispàtzios comunales, web e in ocasione de dies destinadas a sa campagna "CiviCa". Intre de su 10 de santugaine de su 2015 sa Giuria at a fàghere una graduatòria espressada in tzentesimos - subra de una votatzione màssima 100/100 - tenende contu de s'originalidade e de sa calidade de sa proposta (finas a 40 puntos), de sa valorizatzione de sos logos de sa tzitade de Casteddu (finas a 30 puntos) e de s'eficàtzia de su messàgiu e s'impatu de su ditzu (finas a 30 puntos).