Tàtari - Cunvocatzione noa pro su Cussìgiu Comunale de Tàtari. S'assemblea prus arta de sa tzitade est fissada pro giòvia su 7 de maju a sas 4 de borta de die (h 16). In Palatzu Ducale sos esponentes polìticos s'ant a addoviare pro argumentos diferentes.
S'at a incumintzare cun su Regulamentu pro sa promotzione e su sustegnu de sas atividades imprenditoriales - Modìfica e aprovatzione. E a pustis s'Aprovatzione de su pranu finantziàriu pro sa tarifa de su servìtziu de gestione de s'arga urbana de s'annualidade 2015.
S'àula a pustis at a faeddare de s'aprovatzione de su regulamentu de s'imposta comunale ùnica "IUC" in cullegamentu cun su tributu comunale subra de s'arga (Tati) pro s'annu 2015 e s'aprovatzione de sas tarifas.
In fines pro tancare, at a èssere discùtida sa motzione de su cussigieri Murru subra de su s'aeroportu de s'Alighera.