Casteddu - Iscoberta archeològica in Sant'Avendrace. L'at decraradu s'Assòtziu "Sardegna Sotterranea" chi, paris a sos istudiosos suos cun Marcello Polastri ant fatu unu subralluogu in intro de una gruta chi s'agatat in s'arburada de Sant'Avendrace.
A lu nàrrere a sos ispeleòlogos est istadu unu tzitadinu de su logu chi pro casu at iscobertu sa cavidade suterrànea in palas de unu locale. Segundu Polastri «est una testimonia de importu mannu de su tempus antigu de Karales, tzitade romana chi in suta de su colle de Tuvixeddu e in arburada de Sant'Avendrace, at connotu sa tzitade sua de sos mortos, necròpoli manna».
S'ipogeo, mannu meda, est essidu a campu dae una tenda cando sas làmpanas ant fatu lughe a su passàgiu suterràneu.
Custa cavidade est istada pensada comente unu sepulcru mannu e faghiat parte de sa necròpoli antiga de Tuvixeddu, sa tzitade de sos mortos, in s'oru de sa tzitade de sos vivos.

Forsis custu manufatu est de su matessi tempus de sa Tumba de Atìlia Pomptilla, sa Gruta famada de sa Vìpera.


In sa foto sa cavidade (dae "Sardegna Sotterranea")