Nùgoro - Cristiana Collu est sa diretora noa de s'Istitutu superiore regionale etnogràficu (Isre) de Nùgoro. L'at naradu su presidente de su museu Bruno Mùrgia.
Collu at leadu parte a su bandu fatu dae s'ISRE pro sa chirca de unu diretore nou, a pustis de su pensionamentu de su diretore istòricu Paolo Piquereddu. Sa diretora noa est istada nominada chenàbura colada cun unu decretu de su presidente de sa giunta regionale, Frantziscu Pìgliaru.

Collu torrat a Nùgoro: in sa capitale de Barbàgia at àpidu s'incàrrigu e diretora de su MAN dae su 1997 a su 2011. Dae su mese de freàrgiu de su 2012 a su 31 de ghennàrgiu coladu est istada diretora de Trento, una de sas realidades prus dinàmicas in àmbitu de arte internatzionale.