Tàtari - Su Grupu de Atzione Locale Anglona-Romàngia de su presidente Gianfranco Satta comùnicat chi, in collaboratzione cun sa domo de produtzione tzinematogràfica "Karel" sunt in una fase de organizatzione 17 laboratòrios tzinematogràficos in sas comunas de Bultzi, Carzeghe, Tzaramonte, Codronzanu, Èrula, Fiolinas, Laerru, Martis, Muros, Nujvi, Òsile, Perfugas, Piaghe, Santa Maria Coghinas, Sèddini, Tergu, Viddaècia. S'initziativa est in s'àmbitu de sa Mìsura 421 e de su progetu de cooperatzione trasnatzionale “Adding value to community tourism” in ue sunt interessados finas sos Gal de su Galles, Repùblica Tzeca, Finlàndia, Scòtzia e Frantza.