Cabras - Sas paradas de su museu de Cabras nou, chi at a èssere sa sede permanente de su patrimòniu iscultòreu de Mont'e Prama, ant a èssere firmadas dae s'istilista aligheresu famadu a livellu internatzionale naschet dae sa collaboratzione cun sos architetos Renata Fiamma e Walter Dejana e pertocat su raportu intre iscuru - lughe, metàfora fundamentale de su progetu de su sistema museale nou, intituladu "Tra il Silenzio e la Luce".
Ambos professionistas si sunt laureados in su Dipartimentu de Architetura de s'Alighera e in su 2011 ant bintu su cuncursu internatzionale publicadu dae sa Comuna de Cabras pro dare una domo de cunfortu a sos gherreris de pedra de su Sinis. Su progetu issoro, giai definitivu e aproadu, at bintu mancari b'esserent prus de 50 ideas cuncurrentes chi beniant dae sa Sardigna ma finas dae continente e dae su restu de su mundu. Su progetu, costituidu dae 176 pannellos totu diferentes intre issos pro una superfìtzie totale de 700 metros cuadros, est istadu pensadu comente unu bassurilievu in ue sunt imprentadas formas, detàllios e tramas chi ant a fàghere sa parada de su museu comente un'òpera artìstica de mannària de importu.

In sa foto: s'istilista Antoni Marras