Casteddu - "Sotto le ali del vento", unu romanzu subra de Casteddu pro mannos e minores. Su volùmene, editadu dae Lapis Edizioni de Roma e distribuidu in sas librerias de totu Itàlia dae su mese de freàrgiu, est produidu dae su Cunsòrttziu Camù cun su patronadu de sa Comuna de Casteddu in s'àmbitu de sas atividades pro Casteddu Capitale Italiana de sa Cultura 2015.
Su romanzu, presentadu cun sutzessu mannu de pùblicu in su Tzentru Comunale de S'Arte e Cultura Exmà, est istadu iscritu dae Luigi Dal Cin (Premio Andersen 2013), illustrato da Pia Valentinis e Ignazio Fulghesu e ambientadu in sa tzitade de Casteddu. Est unu romanzu/ghia cun tema de aventura pro contare a sos pitzinnos de siddados istòricos de valore, artìsticos, naturalìsticos e culturales de sa tzitade de Casteddu.
Bighinados, museos, personàgios istòricos, parcos naturales, festas e traditziones sunt contados cun lebiesa dae una de sas pinnas prus bellas de sa literadura cuntemporànea pro pitzinnos e pintadas dae Pia Valentinis e dae Innàtziu Fulghesu.