Casteddu - Apellu disisperadu de una famìlia de Pirri: carchi die a como sa Fiat Multipla issoro ( de colore blu targada BL252PX) est istada furada dae sa zona Barracca Manna. In intro b'aiat unu bustu istàticu e una cadiredda ispetziale chi servint pro règhere unu pitzinneddu de 6 annos chi at àpidu un'ischemia tzerebrale dae sa nàschida. Finas sa màchina fiat istada cambiada pro fàghere a manera de agiuventare su trasportu de su minore.
Sena custos atzessòrios su pitzinneddu non podet fàghere sas terapias.
Sa mama e su babbu sunt pedende a sos tzitadinos de los agiudare a chircare sa màchina ma dimandant finas a sos delincuentes de lis torrare sos agiudos sanitàrios indispensàbiles pro su pitzinneddu.

In sa foto una Mùltipla