Casteddu - Disgràtzia intre de note. Su cumandante de una nave de pisca Calògero Romeo casteddaju de 44 annos, est mortu a pustis chi s'imbarcatzione est ruta in mare abertu insoru de Cabu Teulada in sa zona de Piscinnì.
In subra de sa nae b'aiat finas àteros tres marinajos chi sunt resessidos a si sarvare gràtzias a s'interventu lestru de sa Guàrdia Costiera de Casteddu. Su corpus de Romeo est istadu agatadu dae sos sub de sos Vìgiles de su Fogu e fiat galu in intro de sa cabina de su "Jolly".
Paret chi sa nae de pisca si siat capotada a pustis de un'intzidente ligadu a su recùperu de sas retes. Custas paret chi si siant imbojadas in su fundale faghende trainare sa nae e faghende·la capotare. Sos òmines sunt istados ricoverados in s'ispidale de Carbònia.