Tàtari - Iscontru tràgicu a borta de die, in s'Istrada Istatale 672 intre Tàtari e Tèmpiu, issoru de su bìviu pro Perfugas. Pro càusas galu de atzertare s'est verificadu unu sinistru istradale grave meda intre una Mercedes Classe A guidada dae unu tzitadinu residente in Tàtari (in màchina nch'aiant àteras tres pessones) e una Chrysler Voyager, guidada dae un'òmine residente in Tèmpiu.
A pustis de unu corfu malu, duos de sos ocupantes de sa Mercedes - Màrio e Giuanne Bertarelli, babbu e fìgiu, de 63 e de 26 annos, de Tàtari - sunt mortos de corfu, mentres àteros duos passigeris, gasi comente su ghiadore de sa Chrysler, sunt istados ricoverados de urgèntzia. Pro issos est istadu netzessàriu s'interventu de s'elisucursu e su trasportu imbeniente a s'ispidale de Tàtari.
In su logu carchi ambulàntzia de su 118 e sos carabineris de su cumandu provintziale de Tàtari chi ant incumintzadu sos atzertamentos pro cumprèndere comente est capitadu s'intzidente.
S'artèria istradale est abarrada tancada pro unu pagu de tempus pro agiudare sos sucursos e sos atzertamentos de lege.