Tàtari - Custu mangianu riunione congiunta de sas Cummissiones Cultura e Traballos Pùblicos de sa Comuna de Tàtari. Sos duos organismos de Palatzu Ducale ant fatu unu controllu in s'ex Tzìnema Astra.

Un'ispàtziu custu chi est istadu ogetu de interventos de ricualificatzione de importu pro torrare a sa tzitade cussa istrutura a pustis de medas annos de abbandonu. Fiat presente finas s'assessore a sos traballos pùblicos e a sas manutentziones Otàviu Sanna. A parte sa verìfica subra de s'istadu de sos traballos, sas cummissiones ant finas discùtidu de sas propostas probàbiles de àteros interventos de megioru e de s'impreu imbeniente de s'istrutura.
De seguru at a èssere unu logu in ue ant s'ant a fàghere ispetàculos de gènere diferente e in particulare òperas teatrales, tzìnema e finas mùsica. A pustis de unu perìodu longu, duncas Tàtari, s'at a irrichire de un'ispàtziu culturale nou.

In sa foto s'ex Tzìnema Astra durante su controllu de custu mangianu