Casteddu - Su Sindacadu Autònomu de Politzia at detzisu de dare 80 pinnas-ispia a 80 agentes: sas pinnas ispia chi, comente telecàmeras minores de seguresa, ant a permìtere de videoregistrare cada interventu e evitare gasi sas acusas de abusos de podere e violèntzias de badas. Luca Agati, responsàbile provintziale de su Sap, ispiegat chi sunt medas sas denùntzias contra a sos politziotos pro abusos de podere e su 75% finit cun s'assolutzione: «ma setzi a pustis de un'iter protzessuale longu e pesante». Sas pinnas ispia las sunt giai tratende in su Regnu Unidu e in sos Istados Unidos in ue, gràtzias a su sistema nou de videucontrollu sas denùntzias contra a sos politziotos sunt minimadas de s'80%.
Pro como su servìtziu est in via isperimentale: Ministèriu de s'Internu e Politzia de Istadu lu devent ufitzializare. Pro su chi pertocat sos problemas ligados a su privadu (privacy) Agat narat chi «Sas immàgines non podent èssere difusas in peruna manera. Si custu diat dèvere capitare s'agente arriscat cunseguèntzias penales bidu chi est fàtzile a cumprèndere chie trataiat sa pinna ispia».
Sa pinna ispia tenet una durada de 8 oras de autonomia, duncas giustu su tempus de unu turnu de traballu. Su politzioto l'at a leare cun isse dae su cumintzu a sa fine de sa giorronada e in casu de netzessidade sos filmados ant a èssere leados dae sa magistradura chi los at a impreare pro crarire sos fatos.

In sa foto una pinna ispia