Tàtari - Intzidente malu in s'istrada a bator cursias chi cullegat s'Alighera a Tàtari. Duos sos mezos intzidentados, una màchina e unu furgone, chi fiant andende a Tàtari e unu de custos s'est capotadu.
Paret chi s'utilitària, una Dacia Sandero, apat in unu in unu frenadu pro no iscobare unu cane e dae palas est istada tzentrada e investita dae su furgone. Su corfu est istadu meda forte chi at cajonadu su capotamentu de sa màchina.
Sunt duas sas pessones feridas: unu est istadu ricoveradu in su Repartu Rianimatzione in prògnosi riservada, mentres s'àteru at àpidu carchi fratura. Si tratat de agentes de politzia penitentziària chi aiant finidu su turnu de traballu in Bancali e fiant andende a domo. Politzia e carabineris ant fatu sos rilievos e reguladu su tràficu. In su logu bi fiant finas sos vìgiles de su fogu e tres ambulàntzias.