Tàtari - Galu problemas pro s'impreu de s'abba. «In totu su territòriu comunale de Tàtari s'abba de sa rete ìdrica no andat bene pro s'impreu umanu deretu (de bìere) e pro ammaniare sos alimentos». Custu est su chi comùnicant a sa populatzione dae Palatzu Ducale.
S'abba de su rubinete, duncas, podet èssere impreada pro limpiare sa frùtora e s'ortalìtzia e pro totu sos impreos igiènicos e finas pro s'igiene personale. Su bitze sìndigu Gianni Càrbini l'at dispostu cun un'ordinàntzia a pustis de sos controllos cròmpidos dae su dipartimentu de Preventzione - servìtziu Igiene de sos alimentos e de sa Nutritzione de sa Asl.

Dae sos esàmenes est essidu a campu chi s'abba de sa cundota no est cunforme a sos paràmetros chìmicos (allumìniu, manganese, ferru) e finas pro su colore e sa mancàntzia de limpiesa. Custu problema at a abarrare finas a cando sos valores no ant a èssere cunforma a sa lege