Tàtari - Incumintzat in Tàtari unu tziclu de cummissiones cunsiliares in ue ant a èssere tratados medas argumentos de importu.
Oe (martis 11 de santandria) s'addòviat s'organismu chi tratat de cultura cun s'auditzione de s'assessora a sas polìticas sotziales Gràtzia Manca pro su chi pertocat s'atividade de su tzentru antiiolèntzia Aurora. Ant a èssere presentes sa dirigente de su setore Chiara Salis e unu rapresentante de su tzentru.
Semper oe auditzione, in sa cummissione Ambiente, de s'assessore a s'Ambiente Càrbini subra de sa situatzione de como de sa discàrriga de Iscala Erre. Giòvia su 13, traballos pùblicos, controllu in s'istrutura de acollièntzia "Casa Serena" in relatzione a sa fraigadura, chi s'est faghende como, de sas òperas de seguresa antintzèndiu e a s'addatamentu de s'impiantìstica.
Finas mèrcuris duas cummissiones. Afares generales subra de su Regulamentu comunale pro sos istitutos de partetzipatzione e evolutzione de sas formas de partetzipatzione. Sa matessi die cussa Urbanìstica a sas 8 de mangianu in sa sala de su Cussìgiu in ue s'at a discùtere de su retzepimentu in su Pianu Urbanìsticu Comunale impreadu a manera definitiva cun delìbera de Cussìgiu comunale nùmeru 43 de su mese de trìulas de su 2012 e in lìnia cun su deliberadu de sa Regione.