Tàtari – Su sìndigu de Tàtari at àpidu s’aprovatzione subra de sas decraratzione programmàticas presentadas eris in Cussìgiu comunale. Una sufitziènza minore sa sua: 18 votos in favore (19 cun su suo) e bator cussigieris de su partidu suo, su Pd, chi non fiant presentes in Àula a su mamentu de sa votatzione.Una suspensione de austu pro sa majoria tzitadina chi no agatat un’acordu a pustis de sas lutas e de sos cuntrastos chi b’at àpidu a pustis de sa proclamatzione de sa giunta. Su grupu de rebelles de su Pd chi rispondent a sas currentes de su partidu, cheret galu nàrrere sa sua in contu de nòminas e su ragioanmentu cun su sìndigu est istadu rinviadu a su mese de cabudanni.Duncas s’ant a godire sos Candelieris e sos ùrtimos tretos de istiu in paghe (tantu pro nàrrere) e a pustis ant a torrare a incumintzare sas tratativas subra de sas cales Sanna finas a custu mamentu at mustradu de non chèrrere torrare in palas. Oe su Primu tzitadinu tenet in programma una cunferèntzia istampa pro presentare su traballu suo in sas primas 60 dies de guvernu.