Tàtari – Custu merie una setziada noa de su Cussìgiu comunale de Tàtari. S’adunàntzia arribat a pustis de un’àteru addòviu disertadu dae bona parte de s’ Àula.Giòvia coladu in Palatzu Ducale non si sunt presentados su sìndigu, sa giunta e unu grupu de cussigieris “rebelles” de su Partidu Democràticu chi dae s’eletzione de Nicola Sanna sunt in cuntrastu abertu cun su Primu tzitadinu pro sas nòminas de s’esecutivu. Sas tratativas sunt in cursu finas si su sìndigu finas a como at dimustradu de chèrrere andare a dae in antis in su caminu suo. Ma est craru chi at a èssere unu caminu difìtzile e in pigada si non s’at a arribare a un’acordu.In su mentres est istada fissada pro oe (martis) a mesudie una cunferèntzia istampa. In Palatzu Ducale, Sanna e sa giunta ant a espònnere su traballu fatu in custas primas 60 dies de guvernu.

In sa foto: Nicola Sanna