Casteddu – Bilàntziu positivu pro Sardegna chi_ama, s’initziativa ammaniada dae su jazzista Pàulu Fresu, devènnida unu progetu ispetziale de sa Fondatzione Bancu de Sardigna e organizada dae s’assòtziu culturale Dromos pro agiudare a fraigare sas iscolas de s’ìsula derrutas dae s’alluvione de su mese de santandria coladu.
Sas atividades diferentes ammaniadas in sa serada de mùsica e de ispetàculu (trasmìtida a livellu natzionale in direta televisiva Rai3 e radiofònica in sas frecuèntzias de Rai Ràdio2 in una puntada ispetziale de Caterpillar), chi su 31 de maju coladu at fatu addoviare in Casteddu, in s’Arena Grandi Eventi de Sant’Elia, un’iscuadra de artistas de importu, ant permìtidu de pònnere paris 208.604,32 euro, intre sos incassos de sos billetes e sas donatziones arribadas tràmite sos canales ativados pro sustènnere su progetu.
Bogados sos costos fiscales e de prevèndida de sos billetes e de sas cummissiones pro sa regorta de sas donatziones, sa tzifra intrea chi at a èssere dada a sas Comunas de sos iscolàsticos individuados dae Sardegna chi_ama est de 178.392,77 euro. Finas a oe sas iscolas chi ant a retzire su dinare sunt noe.