Tatari.it
Noas    Vìdeu   
Tatari.itnotiziesassariCulturaCinema › Sardinia Film Festival, unu sutzessu mannu
Red 29 giugno 2014
Òspite de s’ùrtima serada su pianista Romeo Scaccia chi at retzidu sa Medàllia de rapresentàntzia de su Presidente de su Senadu e s’est esibidu in unu cuntzertu. Dae su 2015 unu prèmiu intitutaladu a Federico Lubino pro sos registas debutantes giòvanos
Sardinia Film Festival, unu sutzessu mannu


Tàtari - Ses dies de proietziones cun intrada lìbera, dae 23 a su 28 de làmpadas, in su Cadrilateru, in cadèmia de Artes bellas e in sa Biblioteca Comunale de Tàtari. Eventos ispetziales, comente sa visione de “140. La strage dimenticata” de Manfredi Lucibello, subra de s’istrage de sa Moby Prince de su 1991 e de su binchidore de su David de Donatello 37°4S de Adriano Valerio. Assembleas, laboratòrios pro pitzinnos. Su cuntzertu de su pianista de Casteddu Romeo Scaccia chi in s’ùrtima serada at intratènnidu su pùblicu cun su repertòriu suo e est istadu premiadu dae su presidente de su Sardinia Film Festival, Angelo Tantaro, cun sa Medàllia di Rappresentàntzia de su Presidente de su Senadu de sa Repuùblica. E, mescamente, meda pùblicu semper atentu: est istadu unu sutzessu mannu sa de 9 editziones de su Sardinia Film Festival chi est agabbada sàbadu cun sa premiatzione de sos cortometràgios binchidores in sas categorias diferentes chi fiant in gara. Sa manifestatzione organizada dae su Cineclub Tàtari no est galu agabbada ma sighit in Martis dae su 1 a su 3 de austu - cun su debutu de su prèmiu “Life after oil” nàschidu dae un’idea de su regista Massimiliano Mazzotta - e in Biddanoa Monteleone dae su 21 a su 23 de su matessi mese cun sa segunda editzione de su “Premio Villanova Monteleone per il Documentario”. In totu, duncas, sa de noe editziones tenet dòighi dies de programmatzione e s’ispàinat in su territòriu comente unu virus bonu, gràtzias a su balore culturale suo reconnòschidu dae medas patronados privados e istitutzionales, e a custos s’annanghent s’Unesco e s’Expo 2015.
Commenti

Regione Sardegna
Progetu finantziadu dae Fondazione di Sardegna
Responsàbile linguìstico: Mario Sanna
© 2000-2024 Mediatica sas