Casteddu - Sardegna Promozione at a èssere serrada. L'at detzìdidu sa Giunta regionale chi at aproadu un'atu de indiritzu e nominadu sa dirigente de sa promotzione turìstica de s'Assessoradu, Frantzisca Murru, diretora generale chi faghet funtzione de s'agentzia.
S'agentzia, nàschida in su 2006, at àpidu intre sos obietivos su de favorire sos flussos turìsticos a Sardigna, gestire a manera unitària sas atividades de promotzione e favorire s'immàgine unitària de Sardigna.
"Obietivos de importu - segundu s'assessore a su Turismu Frantziscu Morandi - ma chi in realidade cunforma a sa promotzione turìstica, s'atividade de s'agentzia est unu dopione de sas funtziones de s'Assessoradu".