TERRANOA - Dae su 26 de abrile Terranoa at a tènnere una Cummissione Ispetziale pro su chi pertocat sos dannos cajonados dae s'alluvione de su mese de santandria coladu. A sero b'at àpidu su primu addòviu in ue bi fiat finas su sìndigu Gianni Giovannelli e de sos rapresentantes de dòighi comitados de su bighinadu. Su primu atu detzìdidu dae sos membros de sa Cummissione, in ue su presidente fiat Angelo Cocciu, est istada sa rinùntzia a su getone de presèntzia. Sa finalidade printzipale de sa Cummissione est a presentare a su Cussìgiu comunale propostas ùtiles pro dare una manu de agiudu a sa tzitade.