S'Alighera - S'Assessoradu a sos Servìtzios Sotziales de s'Alighera proponet a sas pessones àbiles diversamente, minores, giòvanas, mannas de edade chi non siant prus mannas de 65 annos unu servìtziu-ispiàgia cun un'agiudu sòtziu assistentziale pro promòvere su beneistare e s'integratzione sotziale. Su servìtziu previdet s'intrada a un'istabilimentu balneare in su litorale de s'Alighera chi apat sas atretzaduras idòneas e chi diat s'acumpangiamentu dae su domitzìliu a s'istrutura balneare e su contràriu puru. Podent godire de su servìtziu sas pessones àbiles in manera diferente residentes in sa comuna de s'Alighera. Pro pòdere tènnere su servìtziu tocat de èssere in règula cun sas contributziones chi pertocant sas annualidades de sos annos colados. Sas pessones interessadas a s'iscrìere a su servìtziu podent leare su mòdulu in sos ufìtzios de s'Assessoradu a sos Servìtzios Sotziales, in arburada de sa Resistèntzia n. 17 finas a su 30 de làmpadas in custas dies: dae su martis a su chenàbura dae sas 10,30 a sa una (h 13) e su martis e su mèrcuris dae sas tres e mesa de borta de die (h 15,30) a sas chimbe e mesa (h 17,30) o lu podent iscarrigare dae su situ istitutzionale de sa Comuna de s'Alighera.