Portu Turre - Sa de bator editziones de su "Turris Motor Show”, ammaniada dae su grupu de pitzinnos de sa Turris Competition team, at a tènnere comente òspite su campione italianu nou de sos pesos màssimos, Tore Erittu. Su pùgile turritanu at a èssere presente in ocasione de sas premiatziones chi s'ant a fàghere a ora de sas 8 de sero. S'apuntamentu est pro sàbadu 20 e domìniga su 21 de làmpadas, dae sas 9 finas a sero a tardu, in s'oru de pratza de Istintinu (cara a cara de s'istatzione Ferroviària): sa prima die previdet s'esibitzione de màchinas. In sos mamentos de pasu b'ant a èssere ispetàculos de mùsica. A s'agabbu de su sero b'at a èssere mùsica tataresa e karaoke.