Casteddu Sardu - Sos Carabineris de su repartu Radiomòbile de sa Cumpangia de Portu Turre coordinados dae su cumandu provintziale de Tàtari, in sas primas oras de sa die ant arrestadu in flagrante de reatu a Fàbio Piredda nàschidu in su 1997, e Giovannantonio Bazzoni, de su '79, responsàbiles de su reatu de fura agravada in cuncursu.
Custos duos sunt istados blocados in s'àrea portuale de Casteddu sardu, a pustis de èssere intrados e a pustis de àere fortzadu sa ghenna de intrada in sa butega de cassa e de pisca naradu “Garban Fishing”, e agatados dae sos militares mentres carrigaiant in sa màchina issoro sa roba furada.