Nùgoro - Sàbadu 23 e domìniga 24 de maju, s'Assessoradu a s'Ambiente de sa Comuna de Nùgoro, s'Universidade de Bologna in collaboratzione cun s'iscola Itcg de Thiniscole, ammàniant in s'àrea archeològica de Tanca Manna sa de tres dies de archeologia isperimentale. Cras mangianu s'ant fàghere vìsitas ghiadas pro sas iscolas de cada òrdine e gradu siat a su situ archeològicu siat a sas dimostratziones de archeologia isperimentale, in ue s'ant a fàghere atividades de fusione de su brunzu, pro ammaniare e còghere sas tzeràmicas e su pane.
In prus, ant a èssere presentes artesanos e artistas (tintura naturale de sos tessutos, òperas de arte in filu de ferru, tessidura in su telaju, pintura), chi ant a ispiegare sas atividades issoro.
B'at a èssere finas unu mercadu minore de produtos biològicos (“BioSardinia”), chi at a presentare s' initziativa “cibo per il corpo e per la mente”, ammaniada dae “Florapolis”.