Tàtari - Sunt incumintzadas custu mangianu (chenàbura) in Tàtari sas operatziones de decontaminatzione de s'apartamentu de famìlia in ue s'infermieri malàidu de Èbola, como ricoveradu in s'ispidale Spallanzani in ue sas conditziones suas sunt megioradas, est istadu a pustis de cando est torradu dae Sierra Leone in ue at fatu su volontàriu pro Emergency. Est sa "Verde Vita", sotziedade tataresa ispetzializada in su prontu interventu ambientale a fàghere su traballu.
Sos mezos e sos operajos sunt arribados a sas 8,45 e sos tècnicos sunt coordinados dae su servìtziu de Preventzione de sa Asl de Tàtari. Sa decontaminatzione de sa domo est istada fata a pustis de 11 dies dae su ricòveru de s'infermieri.
E custu at fatu inchietare sos bighinos de su palatzu. Non si firmant sas chistiones subra de custu casu, dae su trasportu a s'apartamentu, eris s'assessore regionale de sa Sanidade at rispostu a sas acusas de s'onorevole Màuro Pili.