Ìtiri - Fiat unu cummertziante de binu e de ògiu Giosepe Piras, de 41 annos, de Ìtiri intre sos sete mortos de sa disagura ferroviària capitada in sa lìnia Washington-New York. Fiat in sos Istados Unidos pro traballu e aiat leadu su trenu de s'Antrak, deviadu arribende a Filadelfia, ca deviat andare a carchi atividade cummertziale.
Sa cunfirma est arribada a sa fine de medas controllos cun sa politzia locale e cun sos ispidales in ue sunt istados ricoverados prus de 200 feridos.
Giosepe fiat cojuadu e sena fìgios. Sa famìlia sua est meda connota in Ìtiri in ue tenet unu mulinu de olia, mentres su babbu at gestidu unu tzilleri in dae in antis a su munitzìpiu.