Tatari.it
Noas    Vìdeu   
Tatari.itnotiziesardegnaTurismoManifestazioni › Expo: sa potèntzia de s'Ìsula est pro incumintzare
A.B. 1 maggio 2015
Sa Sardigna protagonista in sa Mustra de sas Regiones ammaniada in su Padiglione Itàlia
Expo: sa potèntzia de s'Ìsula est pro incumintzare


Casteddu - S'artzipelagu de sa Madalena e su Parcu geomineràriu de su Sulcis, paris cun sas fotos de sa Biblioteca Unversitària de Casteddu, sos biopestitzidas de Luca Ruiu e sos materiales de ritziclu de Daniela Ducato. Sa Sardigna intrat in custa manera in su “Padiglione Italia” de s'Expo 2015, in sa “Mustra de sas Regiones” subra de sos temas de sa “Potèntzia de su de ischire fàghere”, “Potèntzia de su lìmite” e “Potèntzia de sa bellesa”.
Sas fotos de ambientes naturales de bellesa rara comente sas ìsulas de s'artzipelagu de sa Madalena e de su parcu de su Sulcis e de ambientes internos de valore istòricu e culturale mannu comente sas Biblioteca Universitària de Casteddu. E galu, etzellèntzias nostras mustrant, cun sa testimonia de sas òperas postas pro imbellire, comente siat possìbile a surpassare su lìmite in su "ischire fàghere".
Sa "potèntzia" de sa Sardigna est rapresentada dae su progetu de Luca Ruiu, su
“Bioecopest”, istudiadu pro s'isvilupu de tecnologias aplicadas pro sa defensa dae sos parassitas chi faghent dannu meda in agricoltura. Est unu pestitzida potente a tretu de no intacare e nemmancu de non cumpromìtere sa calidade de su produtu e de sos alimentos derivados. E galu, dae Daniela Ducato, imprendidora de s'ìsula onorada dae s'Òrdine a su Mèritu de sa Repùblica dae su Presidente Sèrgio Mattarella e premiada in su mese de santandria coladu in Istocolma cun s’Euwiin International Award comente s'innovadora prus balente de Europa in s'edilìtzia birde. In su Padiglione Itàlia, at mustradu comente si podent mudare materiales de iscartu in materiales pro fraigare, comente pro esempru su suèrgiu e sa lana.
Commenti
Regione Sardegna
Progetu finantziadu dae Fondazione di Sardegna
Responsàbile linguìstico: Mario Sanna
© 2000-2020 Mediatica sas