PORTU TURRE - Sos alunnos de s'iscola de carrera de Brunelleschi, su plessu de s’Istitutu cumprensivu nùmeru 1, ant leadu parte a su giogu-cuncursu “Kangourou della lingua inglese”, in collaboratzione cun sa Cambridge University e cun s'Assòtziu italianu iscolas de limbas (Aisli). Su Kangourou Itàlia, cun partner sientìficu Cambridge English Language Assessment, Ente certificadore reconnotu dae su Ministèriu de s'Istrutzione, de s'Universidade e de sa chirca (Miur) e s'Assòtziu italianu iscolas de limbas (Aisli), at ammaniadu pro sa de oto bortas in Itàlia su giogu-cuncursu natzionale Kangourou de sa limba inglesa riservadu a sos e a sas istudentes de s'iscola primària e de s'iscola segundària de segundu gradu.
Sos pitzinnos si sunt cunfrontados subra de sos livellos de inglesu fissados dae su “Common European Framework” pro otènnere sa tzertificatzione linguìstica.
Sos classificados prus bravos de totu sas regiones ant a intrare duncas a sa finale natzionale (livellu B2) chi s'at a fàghere in Mirabilandia in su mese de Maju.