Berchidda - Time in Jazz 2015: 11 dies de mùsica e prus de 40 cuntzertos. Su festival ideadu dae Pàulu Fresu torrat dae s'8 a su 16 de austu a Berchidda, in su nord de Sardigna, sa bidda in ue est nàschidu. Intre sos nùmenes de importu b'at Louis Moholo-Moholo, Manu Katché, Lars Daniellson, Stefano Bollani, Michel Godard, Nguyn L, Oren Marshall, Kenny Barron e Dave Holland. Su tema isseberadu pro sa de 28 editziones est "Ali". Chimbe sas produtziones originales. Sa prima faghet incumintzare sa manifestatzione: unu cuntzertu de Fresu "Alas sardas" in subra de un'aèreu Meridiana. Ma sa mùsica de Time in Jazz arribat finas dae su mare in una nae de Sardìnia Ferries in ue b'ant a èssere Mònica Demuru e Natàlio Mangalavite in "Ali ai piedi del viaggio", sa segunda produtzione originale issoro at a èssere su cuntzertu in Mores. B'at a pustis su cuntzertu comente solista de Enrico Merlin e su Cantu a chitarra cun acumpangiamentu de fisarmònica de Fàbio Calzia.
Intre sos nùmenes in calendàriu b'at finas Dan Kinzelman, Enrico Merlin, Alexander Hawkins, Giovanni Guidi, Luca Aquino, Michele Rabbia, The Rad Trads, Dino Rubino, Vincent Peirani, Paolo Angeli, la Piccola Orchestra Gagarin. Non b'at mùsica ebbia. Time in Jazz proponet unu programma prenu de apuntamentos ligados a su tzìnema, a sa literadura, artes visivas, dibàtidos e initziativas de sensibilizatzione ambientale, degustatziones, laboratòrios. E su 17 e su 18 de austu torrat Time in Tàtari.

In sa foto: Pàulu Fresu