PORTU TURRE - S’Antiquarium Turritanu at bintu su segundu postu in sa classìfica mundiale de Museum Week 2015 in ocasione de sa Chida de sos museos, superadu setzi dae s'àrea archeològica de Massaciuccoli Romana. In sa gara a corfos de Tweet at surpassadu su Louvre de Parigi, su British Museum de Londra e s’Hermitage de San Pietroburgo. Durante sa chida dae su 23 a su 29 de martzu, sos utentes Twitter ant pòdidu intrare in mìgias e mìgias de museos e gallerias de totu su mundu sighende l’hashtag #MuseumWeek: 1800 istitutziones culturales in rappresentàntzia de 58 natziones e 943 tzitades, 175 sos museos italianos ant leadu parte a s'isfida populare in su "social network" populare arribadu a sa segunda editzione.