Sa Madalena - Su Parcu Natzionale de s'Artzipelagu de Sa Madalena at a èssere protagonista in s'apuntamentu internatzionale de s'Expo' 2015 chi s'at a fàghere in Milanu a incumintzare dae su 1 de maju finas a su 31 de santugaine chi tenet comente tìtulu “Nutrire il pianeta, energia per la vita”.

Su Parcu de Sa Madalena at a èssere presente pro una chida in su mese de làmpadas in intro de su padiglione “Padiglione BiodiversityPark” e at a èssere impignadu cun totu su sistema regionale de sos Parcos e de sas Àreas marinas amparadas de sa Sardigna in mesus de totu sas manifestatziones culletivas. Sa Regione Sardigna e in manera particulare s'assessore a su turismu Francesco Morandi est promovende un'atzione de "marketing" territoriale chi at a tènnere comente apuntamentu prus de importu sa presèntzia de s'ìsula cun un'ispàtziu suo in su mese de cabudanni.