Portu Turre - Sa comuna de Portu Turre cun determinatzione dirigentziale at aplicadu sa decurtatzione de s'importu subra de su servìtziu de regorta e cunferimentu de s'arga a sa sotziedade Ciclat ambiente pro su servìtziu de regorta de s'arga chi no est istadu garantidu in s'Asinara. Su dinare bogadu est pagu prus o mancu de 41 mìgia èuros prevìdidu in su cuntratu de apaltu, in ue segundu sas modalidades inditadas in su capitoladu, faghiat parte finas su de pulire s'ìsula tràmite sa presèntzia de un'operadore, in particulare in su perìodu estivu.
S'operadore Ciclat deviat traballare cada die in sos meses de làmpadas, trìulas e austu pro a su mancu ses oras a sa die e duas bias a sa chida in sos àteros meses de s'annu.
De sos 228 interventos de pulitzia programmados, sa sotziedade chi si òcupat de servìtziu de regorta diferentziada nd'at fatu setzi 64, cun una mancàntzia de 164 interventos chi non sunt istados fatos. Pro custos motivos su Dirigente de s'Àrea ambiente e tutela de su Territòriu ing. Clàudio Vinci sigomente non podet aplicare peruna penalidade, at detzisu sa detratzione de s'importu pro more chi sa sotziedade no at garantidu su servìtziu.