Tàtari - S'Amministratzione comunale sighit sos istùdios subra de sos cambiamentos a sa Ztl. Pro custu, cun delìbera de Giunta, est istada istabilida sa pròroga de s'isperimentatzione finas a su 15 de maju. No at a èssere ativu su passàgiu eletrònicu de s'emitziclu Garibaldi; est pedonale sa corsia de dereta de pratza de Castello, mentres in cussa de manca est possìbile su passàgiu e sa firmada a sas motos; pro sos autorizados Ztl e pro sos mezos pùblicos, dae carrera de Cagliari si podet girare a manca dae arburada de Umberto e sighire finas a carrera de Politeama.
Est tancada a su tràficu largu Brigata Tàtari, intre sa funtana e carrera de Brigata Tàtari e carrera de Cagliari (cara a cara de sos magasinos Diana); est istituida, in totu sas dies de traballu intre sas 9.00 de mangianu e sa una (h13.00) e intre sas 4 de borta de die (h 16.00) e sas 8 de sero (h 20.00), sa sosta cun discu oràriu de màssimu 15 minutos in su tretu de carrera de Cagliari, intre pratza de Britgata Tàtari e carrera de Càralu Alberto. A bandas de custos oràrios e in sas dies de festa sa sosta est permìtida a sos autorizados TS; su passàgiu eletrònicu de carrera de Spano est ativu 24 oras subra de 24.