Tàtari - In ocasione In ocasione de sa Chida de atziones contra a su ratzismu, s'assessoradu a sas polìticas educativas, giovaniles e isport at ideadu su progetu "Dal piatto al cuore - unu menù colore arantzu", interessende sos pitzinneddos de sa tzitade chi andant a s'iscola de s'infàntzia e primària.
Su 19 de martzu a ora de mesudie su sìndigu de Tàtari Nicola Sanna est andadu a s'iscola de carrera de Artiglieria pro addoviare sos iscolanos.
Cun su primu tzitadinu bi fiat s'assessora a sas Polìticas educativas, giovaniles e isport, Maria Frantzisca Fantato e su presidente de su Cussìgiu comunale Antoni Piu.
Belle 5 mìgia istudentes chi cada die tenent sa mensa iscolàstica ant mandigadu unu menù belle totu de colore de arantzu, su colore sìmbulu de sa campagna contra a su ratzismu. Totu sa chida sos mastros e sas mastras ant faeddadu paris cun sos pitzinnos de sos temas de custa Campagna.