Portu Turre - «Mèrcuris su 18 de martzu, s'europarlamentare de su M5s Giùlia Moi fiat faghende un'ispetzione in sos sitos de Minciaredda, dàrsena servìtzios e Taf e, mancari apat dadu su preavisu 36 oras in antis, no at retzidu sas autorizatziones e at fortzadu su blocu de seguresa de su situ industriale de Portu Turre. A pustis de carchi mamentu de tensione, s'europarlamentare at sighidu cun s'intentu suo e at caminadu pro chilòmetros meda». Gasi at naradu su grupu de ativistas turritanos de su M5s, in una nota at descritu s'ispetzione efetuada dae s'europarlamentare de su M5s in sos sitos incuinados de sa tzitade.
Segundu su grupu de Portu Turre, a pustis de medas telefonadas duradas medas minutos, s'onorevole Moi no at pòdidu fàghere s'atzessu a sos atos chi pro lege diant dèvere èssere pùblicos e disponìbiles in su logu.