Casteddu - S'assessore regionale de sos Traballos Pùblicos Pàulu Maninchedda at cunvocadu pro lunis su 16 de martzu, a sas 5 de borta de die, in sa sala Utr de su de sete pianos de sa turre, un'addòviu cun Anci e una rapresentàntzia de sas vintioto Comunas de s'ìsula chi como sunt in fora dae s'àmbitu ùnicu regionale. In custa manera venit istituida sa mesa chi at a àere su còmpitu de distìnghere, in intro de su perìmetru de sas normas in vigore, unu caminu de cuncòrdia intre s'Ente de Àmbitu, su gestore e sas matessi vintioto comunas sardas.