S'Alighera - Tragèdia in arta cuota. Aterràgiu de emergèntzia a borta de die de dumìniga in s'aeroportu Riviera del Corallo de s'Alighera ca un'òmine est istadu male in intro de un'aèreu in servìtziu intre Tunisia e Inghilterra.
Pro unu turista inglesu, classe 1954, acumpangiadu dae sa mugere, però non b'at àpidu nudda de ite fàghere. Inùtiles sas protzeduras de seguresa ativadas: su corpus suo est istadu isbarcadu dae s'aèreu sena vida. Su vetore de sa cumpangia tunisina at pòdidu torrare a bolare dae sa pista aligheresa conca a Londra.
Su corpus de su turista inglesu est istadu leadu dae un'agenntzia funebre chi l'at giutu a s'istitutu de meighina legale de Tàtari. Giai ativadas sas protzeduras pro su trasferimentu de su baule in su Regnu Unidu.