Sa cantadora Franca Masu, dae su 20 a su 22 de martzu, at a èssere in iscena pro tres cuntzertos in ue at a èssere protagonista in un’ispetàculu teatrale. S’artista, difatis, at a presentare una produtzione musicale noa chi tenet comente tìtulu Dansa d’Amor, nàschida comente una letura musicale, comente una “suite” intre paràulas e notas, intre leturas de poesias e cantos. Franca Masu est abbarrada incantada dae sa poesia de Raffaele Sari Bozzolo iscritore e poeta nàschidu in Ligùria ma ligadu meda a sa tzitade de s’Alighera in ue istat. Totu sas lìricas chi bi sunt in su libru “Il prato ripido” sunt devènnidas pro issa unu canale de ispiratzione pro imbarare sa boghe sua, comente chi su “territòriu poèticu” esseret devènnidu s’humus in ue pòdere torrare a elaborare e torrare a fàghere nàschere sos sonos de su cantu suo. Essentziale, in unu bestire comunu nou e in su matessi tempus profunda, Franca Masu intritzit sos versos de amore de Sari afidende·si a sos “remix” e a sos “live set” elaborados dae Mànlio Porcheddu, musitzista eclèticu chi s’est formadu in Londra. Sonos e gestos noos chi Franca Masu alternat a melodias isseberadas cun sapièntzia in unu repertòriu chi est issoru meda a issa, torrende a visitare carchi branu originale suo e melodias de autore galanas pro unu “live” de impatu mannu e de importu cun arrangiamentos de valore de Sarvadore Maltana cun su contrabbassu e Fausto Beccalossi cun s’accordeon.

Sa prima data at a èssere chenàbura su 20 in Tàtari a sas 8 e mesa de sero in sos locales de su Vecchio Mulino in carrera de Frigàglia prenotende. Sàbadu su 21, Die mundiale de sa Poesia, sa cantadora e su grupu suo ant a èssere in su TzineTeatru Rex de Bono a sas 8 e mesa de sero; mentres domìniga 22, su cuntzertu at a èssere in s’Alighera in su Teatru Tzìvicu a sas 7 de sero. Inoghe Sònia Borsato at a introduire sa serada presentende a su pùblicu finas su poeta Sari Bozzolo.
Custos apuntamentos sunt sustènnidos dae sa Fundatzione Bancu de Sardigna, dae sa Fundatzione Meta de s’Alighera, dae sos Assessorados a sa Cultura de sa Comuna de s’Alighera e de Bono e dae s’Assòtziu Aramusica pro su Més a prop Festival

In sa foto: Franca Masu