Tàtari - Pròroga abertura dormidòrgiu in carrera de Duca degli Abruzzi. Su dormidòrgiu de carrera de Duca degli Abruzzu chi collit sas pessones sena dimora fissa at a abarrare abertu finas a su 31 de martzu. L'at detzìdidu su sìndigu de Tàtari, Nicola Sanna, cun un'ordinàntzia.
Bidu chi su tempus malu est durende meda, su primu tzitadinu at detzìdidu de prorogare su servìtziu galu pro unu mese. Dae sas 7 de sero finas a sas 8 de mangianu, sos utentes podent agatare remèdiu in su dormidòrgiu, finas gràtzias a sa collaboratzione de sos assòtzios de voluntariadu.

In sa foto, su dormidòrgiu de carrera de Duca degli Abruzzi