Tàtari - Sa de tres e ùrtima parte de su finantziamentu pro su rèdditu de mancu cajonadu dae sa Limba Blu est istada pagada sas dies coladas. Sunt giai 17,5 milliones de èuros dados a sas cassas de sas Comunas chi ant àpidu dannos pro curpa de s'epidemia. A custu puntu ant a èssere sas istitutziones locales a dèvere ispartzire su dinare intre totu sas aziendas agrìculas chi in s'istajone 2013-2014 ant àpidu pèrdidas. Sa comunicatzione est istada dada dae s'assessora regionale s s'Agricoltura Elisabeta Falchi.
«In fines est agabbende una chistione chi fiat devenende longa meda - at naradu su presidente regionale de sa Coldiretti Batista Cualbu. Como dimandamus a totu sos sìndigos chi connoschent sos problemas de sos pastores pro fàghere a manera chi paghent in pagu tempus. Isperemus - at sighidu su presidente - chi siat s'ùrtima borta chi èrogat dinare pro indennizare sos dannos ligados a custa patologia ca como b'est sa via giusta pro la bogare a manera definitiva».