Tàtari - S'assòtziu Angsa Sassari Onlus at leadu parte lunis coladu, in sos locales de sa Regione in carrera de Umberto in Tàtari, a s'addòviu cun s'Assessora Firino pro chircare de pònnere unu mèdiu a su problema grave de s'assistèntzia educativa e de su trasportu de 132 pitzinnos disàbiles de sa Provìntzia de Tàtari. A s'addòviu fiat presente s'Assessore provintziale Musmeci, sos traballadores, sos sindacados, sos assòtzios prus rapresentativos de sos istudentes, s'Assessora Firino at decraradu «Semus inoghe pro pònnere mèdiu a manera cuncreta a custu problema» e at sutaliniadu sa cumplessidade de sa situatzione dae unu puntu de vista tècnicu-amministrativu. At torrare a nàrrere chi massimamente su 4 de freàrgiu at a bènnere aprovadu in Cussìgiu regionale in manera urgente s'emendamentu a sa Finantziària chi at a fàghere a manera de impreare sas resursas pro torrare a fàghere incumintzare su servìtziu.
Su chi est essidu a campu dae totu sos sugetos presentes est s'urgèntzia de torrare a ativare deretu su servìtziu giai dae custa chida e chi sos pitzinnos torrent a iscola in tempos lestros. Cunsideradu chi b'est sa voluntade polìtica de pònnere mèdiu a custu problema e bida sa disponibilidade de totu sas parte interessadas, s'Angsa de Tàtari proponet de agatare deretu una solutzione tècnicu amministrativa a manera chi sa Regione potzat comunicare a manera formale a sa Provìntzia su contenutu ispetzìficu e vinculadu de s'emendamentu a manera chi s'ente proìvintziale potzat prorogare su cuntratu cun sa cooperativa chi gestit su servìtziu. Setzi in custa manera sos pitzinnos nostros ant a pòdere torrare a iscola deretu.
S'assòtziu Angsa dat atu de s'impinnu de s'Assessora regionale pro isblocare sa situatzione ma espressat sa preocupatzione sua pro duos motivos. Dae un'ala ca s'emendamentu isblocat setzi 200 mìgia èuros chi ant a permìtere de torrare a èssere ativu su servìtziu ma setzi pro unu mese e mesu e non pro agabbare totu s'annu iscolàsticu. Est de importu e pedimus chi bèngiant postas in Finantziària finas àteras resursas chi permitant de fàghere sighire su servìtziu finas a su mese de làmpadas, a manera de evitare àteras interrutziones negativas e graves meda pro sos pitzinnos e sas famìlias. Dae s'àtera ala ca dae unu puntu de vista tècnicu e formale s'emendamentu no at a pòdere èssere deretu esecutivu: pro èssere deretu esecutivu devet sighire s'iter de aprovatzione de sa lege Finantziària e in s'ipòtesi mègius sa Finantziària at a èssere aprovada a fine de freàrgiu.

Isperemus chi sa Giunta reginale, in acordu cun totu su Cussìgiu, at a garantire resursas de a su mancu àteros 500 mìgia èuros pro agabbare s'annu iscolàsticu e chi pro s'annu imbeniente 2015-2016 bi siat una dotatzione finantziària idònea.
S'Angsa pedit finas una mesa cumpartzida aberta a sos assòtzios pro fissare sos istandard cualitativos de su servìtziu.


In sa foto: s'Assessora Firino

Auspichiamo che la Giunta regionale, in accordo con l'intero Consiglio, garantisca risorse di almeno altri 500 mila euro per concludere l'anno scolastico e che per il prossimo anno 2015-2016 ci sia una dotazione finanziaria idonea. L'Angsa chiede anche un tavolo condiviso aperto alle associazioni per stabilire gli standard qualitativi del servizio.

Nella foto l'assessore Firino