Casteddu - Torrare a organizare sos entes locales e personales. Pro parare fronte a su tema delicadu de su monitoràgiu e cualificatzione de sas funtziones de sos traballadores de sas Provìntzias e de sas sotziedades in house chi faghent parte de su protzessu de riorganizatzione istitutzionale, lunis mangianu est istada cunvocada sa mesa intre sa Regione Autònoma de sa Sardigna, sindacados de sa funtzione pùblica e confederales, derivante dae su protocollu de intesa intre sas partes.
A sa mesa cun Cgil, Cisl, Uil, Cgil funtzione pùblica, Cisl Fp ed Uil Fpl, sos assessores de sos Entes locales e Urbanìstica Cristiano Erriu e de su Personale Gianmario Demuro ant abertu sa discussione chi pertocat su de guvernare in manera ordinada su protzessu de ispartzidura de sas funtziones, cuntzentrende·si in particulare subra de su tema de sa riorganizatzione de sos servìtzios pro su traballu. «Amus agatadu una cunvergèntzia de importu cun sas siglas sindacales - at ispiegadu Erriu - subra de s'oportunidade de pònnere a su tzentru sos servìtzios pro su traballu, Cesil e Csl chi como sunt in cabu a sas Provìntzias, trasferende sas cumpetèntzias a s'Agentzia regionale de su traballu».
Custu diat cunsentire de fàghere crèschere sos livellos de efitzièntzia in sa gestione de sas cumpetèntzias noas e «allineare sa Regione in un'orientamentu natzionale - at decraradu s'assessore Demuro - chi s'isvilupat in custa diretzione. In prus est netzessàriu a guvernare su protzessu de trasferimentu de su personale segundu printzìpios unìvocos».

In sa foto: l'assessore regionale Cristiano Erriu