Tàtari - Bator operajos de sa Multiss, sa sotziedade in house de sa Provìntzia de Tàtari dae meda tempus in crisi, si sunt inghiriados de tànicas de benzina, in sa sede de sa sotziedade, in sa zona industriale de Predda Niedda. A pustis de carchi tratativa, essende presente finas su diretore de sa sotziedade, ant cambiadu idea.
No est sa prima mustra eclatante de sos dipendentes chi in sos meses colados fiant artziados a subra de su Palatzu Sciuti. Sa sotziedade est in crisi dae meda tempus e sos 180 traballadores de sa sotziedade sunt in cassa integratzione dae su mese de cabudanni.
A parte carchi ispera, sa situatzione est grave. A pustis de sa protesta est istada cunvocada un'assemblea cun sos sindacados.