Tàtari - A mangianu de s'àtera die, sos agentes de sa Divisione Politzia Amministrativa e Sotziale de sa Cuestura ant notificadu unu provedimentu de suspensione de sa litzèntzia, comente narat s'art. 100 de su Testu Ùnicu de sas Leges de Seguresa Pùblica, a su presidente pro-tempore de su tzìrculu privadu “Associazione Culturale Anziani Latte Dolce”, chi est in Tàtari in carrera de l'Anziano. Su provedimentu sighit s'agressione mala chi at àpidu unu tzitadinu extracomunitàriu su sero de su 22 de ghennàrgiu coladu, pto curpa de unu tzitadinu tataresu, cun medas pretzedentes de politzia, pro custu est galu in cursu un'atividade de indàgine.
Custu ùrtimu, finas in presèntzia de sos agentes de politzia intervènnidos deretu, ant sighidu a ofèndere finas cun frases razistas contra a s'istràngiu chirchende de l'iscùdere in medas ocasiones, difesu dae medas pessones presentes in su tzìrculu e intre custos pregiudicados e tossicodipendentes giai connoschidos dae sas Fortzas de s'òrdine. Su tzìrculu est unu logu in ue s'agatant a s'ispissu pessones perigulosas pro s'òrdine e sa seguresa pùblica e su mere de su tzìrculu non s'est mai opostu e no at mai chircadu de firmare in carchi manera sas situatziones de perìgulu pro sos chi fecuentant su tzìrculu.
Su provedimentu de serradura emìtidu dae su Cuestore pro sa tutela de s'òrdine e sa deguresa pùblica, imponet chi tzesset s'atividade pro unu perìodu de 15 dies. Sa Cuestura at a sighire a controllare sos esertzìtzios pùblicos in manera costante siat pro verificare sa regularidade de sa documentatzione amministrativa siat pro sa tutela de s'òrdine e de sa seguresa pùblica. Setzi eris un'àteru interventu de sa matessi casta cun sa serradura de su tzìrculu privadu de sos Cassadores.