S'Alighera - Pàulu Bròsio l'ant bidu lunis coladu intre sos passigeris in partèntzia dae s'Aeroportu de s'Alighera. Sas dies coladas su giornalista e iscritore est istadu protagonista de una puntada de sa trasmissione "Scherzi a Parte".
In sa prima puntada de lunis coladu presentada dae Pàulu Bonolis e realizada cun "Le Iene", Bròsio fiat su protagonista de una brulla in ue l'ant fatu crèere de èssere faeddende a su telèfonu cun Papa Frantziscu. Religiosu e devotu meda, cando at ischidu de sa brulla non l'at leada bene.
Mancari gasi, comente at naradu in un'àtera trasmissione Mediaset, sas dies imbenientes at detzìdidu de dare sa liberatòria pro la trasmìtere. Una detzisione cun una contropartida: «un'agiudu econòmicu pro fraigare su primu prontu sucursu de Medjugorje» at naradu su giornalista.